پاکستاني پوليسو شاوخوا ۵۰ افغان ماشومان افغانستان ته اخراج کړي دي
پاکستاني رسنیو راپور ورکړ چې د پاکستان سرحدي پوليسو شاوخوا ۵۰ افغان ماشومان چې په غیرقانوني ډول دې هیواد ته داخل شوي وو، بیرته راستانه کړي دي.
د خېبر پښتونخوا د لنډي کوتل د پولیسو مشر عدنان افریدي د دوشنبې په ورځ رسنیو ته وویل چې په دې وروستیو کې شاوخوا ۷۰۰ افغان ماشومان په غیرقانوني ډول پاکستان ته داخل شوي دي.
افریدی تور پورې کوي چې، د نجونو په ګډون ډیری ماشومان د مخدره توکو په قاچاق کې ښکیل دي.