مقدسه احمدزۍ: د ښځو او نجونو پر حقونو معامله پر حیا او عزت معامله ده
د ښځو حقونو افغان فعالې مقدسه احمدزۍ طالبانو ته په خطاب کې ويلي، نور د دې وخت نه دی چې پر يو ازاد مخلوق باندې د خدای ټول اساسي حقوق بند کړې، ويې زوروې او په اسيرت کې يې واچوې.
آغلې احمدزۍ زياته کړې چې د طالبانو لوڼې او خويندې په بهرنيو هيوادونو کې د لوړو زده کړو او پوهنتونونو څخه برخمنې دي خو په هېواد کې يې د افغان نجونو پر مخ د زده کړو دروازې تړلي دي.
احمدزۍ وايي، له زده کړو څخه د نجونو محرميت نه افغانيت او نه اسلاميت دی بلکي د سياست او واک لپاره طالبانو پر نجونو د زده کړو دروازې بندې کړي دي.