فارياب کې يو سړي خپله مېرمن په اور سوځولې ده
سیمه ییزې سرچینې وايي، د فاریاب ولایت په شرين تګاب ولسوالۍ کې یوه سړي خپله ښځه په اور سوځولې ده.
دا پېښه د پنجشنبې په ورځ، د وري په ۷مه نېټه د دې ولسوالۍ په بلوڅ کلي کې رامنځته شوې ده.
د ځايي سرچینو په وینا، دې سړي د خپلې میرمنې لاسونه او پښې په یوه خونه کې ور تړلي او وروسته يې ورته اور اچولی دی.
د راپورونو له مخې، د طالبانو د بيا واکمنېدو راهيسي په تیرو څلورو کلونو کې په افغانستان کې د ښځو په وړاندې کورني او ټولنیز تاوتریخوالی د پام وړ زیات شوی دی. د ښځو د حقونو په اړه سخت محدودیتونه او د اړین ملاتړ نشتوالي د ښځو د ژوند شرایط خورا ستونزمن کړي دي.