.jpg)
د طالبانو له لوري د نیول شوي بریتانوۍ جوړې کورنۍ له ټرمپ څخه د مرستې غوښتنه وکړه
د CBS نیوز د راپور له مخې، د پیتر او باربي رینولډز کورنۍ، چې د طالبانو له خوا نیول شوي، د سپینې ماڼۍ مخې ته د یوه ویډیو پیغام له لارې له ډونالډ ټرمپ څخه د دوی د خلاصون غوښتنه کړې ده.
د یادې جوړې کشر زوی جاناتان رینولډز، چې د امریکا تابعیت هم لري، ویلي چې والدین یې له کوم تور پرته زنداني شوي دي. هغه زیاته کړې چې دوی ته ویل شوي و چې والدین یې بېګناه دي او ژر به خوشې شي، خو لا هم بندیان دي.
پیتر او باربي رینولډز، چې دواړه له ۷۰ کالونو زیات عمر لري، د روان کال د فبرورۍ په لومړۍ نېټه بامیان ولایت کې له یوه بل امریکایي ملګري فیهال سره د طالبانو له لوري ونیول شول. فیهال، چې د امریکا تابعیت لري، د قطر په منځګړیتوب ازاد شوی، خو یاده بریتانوي جوړه لا هم بندي ده.
تلګراف ورځپاڼې مخکې راپور ورکړی و چې دا جوړه د طالبانو د داخلي شخړو قرباني شوې، او د دوی د نیولو امر د حقاني شبکې یوه قوماندان ورکړی و.